Category: Мэдээ

Унгар Улсын Засгийн газрын тэтгэлгээр 2025-2026 онд суралцах иргэдийн II шатны сонгон шалгаруулалтыг Боловсролын сайдын тушаалаар батлагдсан ажлын хэсэг 2025 оны 02 дугаар сарын 10-наас 26-ны хооронд зохион байгууллаа. Сонгон шалгаруулалтыг зохион байгуулахдаа Монгол Улсын Засгийн газрын тухай хууль, Боловсролын ерөнхий хууль, Засгийн газрын “Гадаадын болон дотоодын дээд боловсролын сургалтын байгууллагад суралцагчид тэтгэлэг, зээл олгох, эргэн төлүүлэх, буцалтгүй тусламж олгох, дэмжлэг үзүүлэх тухай” журам, хоёр улсын Засгийн газар хоорондын гэрээ хэлэлцээр, Унгарын ЭСЯ-ны “Stipendium hungaricum” тэтгэлэгт хөтөлбөрийн болон ажлын хэсгийн сонгон шалгаруулалтын удирдамжийг баримтлан ажилласан болно. Хоёрдугаар шатны сонгон шалгаруулалтыг хийж гүйцэтгэхээр Боловсролын зээлийн сангийн Ажлын албаны даргаар ахлуулсан Засгийн газрын Хүний нөөцийн газар, Гадаад харилцааны яам, Сангийн яам, Хууль зүй, дотоод хэргийн яам, Боловсролын яам, Тагнуулын ерөнхий газар, ШУТИС, Гадаадад төгсөгчдийн холбооны төлөөлөл бүхий 13 гишүүнтэй ажлын хэсэг ажиллав. Нэмэлт мэдээлэл хүргэхэд, энэхүү сонгон шалгаруулалт нь гурван үе шаттай. Энэ жилийн хувьд нийт 1011 иргэн хүсэлт өгснөөс эхний шатанд Унгарын ЭСЯ-наас баримт бичгийн буюу техникийн шалгаруулалт хийх зарчмаар шалгаж, Унгарын талаас техникийн шаардлага хангасан 909 иргэний мэдээллийг ажлын хэсэгт ирүүлсэн. Унгарын ЭСЯ-наас санал болгосон дээр дурдсан 909 иргэнийг голч дүн, суралцах мэргэжлийн чиглэл, гадаад хэлний түвшин, эсээ гэсэн дөрвөн үзүүлэлтээр үнэлж, гуравдугаар шатанд шалгарсан 400 иргэний мэдээллийг Унгарын тэтгэлгийн хорооноос тогтоосон хугацаа болох 2025 оны 02 дугаар сарын 28-ны өдөр тус хороонд хүргүүллээ. Эдгээр иргэнтэй Унгарын тэтгэлгийн хорооноос холбогдох юм. Ажлын хэсэг голч дүнг бакалаврын түвшинд 40, ахисан түвшинд 30 оноогоор, мэргэжлийн чиглэлийг тэргүүлэх мэргэжилд 10, гэрээнд заасан мэргэжилд 9, тэргүүлэх бус мэргэжилд 8 оноогоор үнэлсэн. Гадаад хэлний түвшний хувьд IELTS, TOEFL-ийн оноог 20 хүртэлх оноонд дүйцүүлж, эсээнд 30 хүртэлх оноо өгч үнэлсэн бөгөөд нийт 100 хүртэлх оноогоор 909 иргэнийг жагсаасан болно. ЭЦСИЙН ШАТНЫ ШАЛГАРУУЛАЛТЫН ДҮНД УНГАРЫН ТЭТГЭЛГИЙН ХОРООНООС НИЙТ 200 ХҮРТЭЛХ ИРГЭНД ТЭТГЭЛЭГ ОЛГОХ БӨГӨӨД ШАЛГАРУУЛАЛТЫГ УНГАРЫН ТАЛААС ХАРИУЦАН ЗОХИОН БАЙГУУЛНА. II шатны сонгон шалгаруулалтын асуудлаарх санал хүсэлтийг Боловсролын зээлийн сангийн дэргэдэх Олон нийтийн зөвлөлд хандаж, scholarship@elf.gov.mn хаягаар ирүүлэх боломжтой.

Боловсролын зээлийн сангийн олон нийтэд түгээх төлөвлөгөөтэй танилцах бол ЭНД дарна уу.  

Уг хурлаар олон улс, дотоодын хувийн их, дээд сургуулиудад амжилттай хэрэгжиж буй боловсролын тэтгэлэг болон одоо хэрэгжиж Боловсролын зээлийн сангийн журамтай танилцаж, санал дүгнэлт гаргав. Цаашдаа суралцагчдын хөгжил, нийгэмд үзүүлэх нөлөөг дэмжих, журмын гэрээнд уян хатан зохицуулалт бий болгох, эрэлттэй мэргэжлүүдийг бодлогоор дэмжих зэрэг олон асуудлуудыг журамд тусгахаар ажиллах юм.

Монгол Улсын Боловсролын яам, Унгар Улсын Гадаад хэрэг, худалдааны яам хоорондын харилцан ойлголцлын санамж бичгийн хүрээнд хэрэгжүүлдэг Унгар Улсын Засгийн газрын “Stipendium Hungaricum” 2025-2026 оны хичээлийн жилийн тэтгэлэгт хөтөлбөр албан ёсоор зарлагдсан тул өргөдөл гаргахыг хүссэн иргэд https://apply.stipendiumhungaricum.hu/ холбоосоор нэвтэрч материалаа илгээнэ үү.Та бүхэн “Stipendium Hungaricum”-ын цахим хуудас / https://stipendiumhungaricum.hu/…/Application_Guide… /-наас сонгон шалгаруулалтын хугацаа, суралцуулах мэргэжил, сургалтын тэтгэлгийн хэмжээ, бүрдүүлэх материалын талаарх дэлгэрэнгүй мэдээллийг авах боломжтой тул хариуцлагатайгаар судлан, мэдээлэлтэй танилцахыг хүсье.

Сурлага хөдөлмөр, хичээл зүтгэлээрээ манлайлан сум, хороодоос шалгарсан шилдэг суралцагч та бүхэнд энэ өдрийн мэнд дэвшүүлье. Монгол Улсын Ерөнхийлөгчийн нэрэмжит “Илгээлт-2100” тэтгэлэгт хөтөлбөрөөр гадаадын дээд боловсролын сургалтын байгууллагад 2022 оноос эхлэн өнөөдрийг хүртэл Боловсролын сайдын 3 удаагийн тушаалаар 21 улсын дэлхийн шилдэг их сургууль, засгийн газар хоорондын гэрээ хэлэлцээр, хамтын ажиллагааны гэрээтэй нийт 70 гаруй их сургуульд нийт 758 суралцагч суралцаж байгааг дуулгахад таатай байна. Монгол Улсын Ерөнхийлөгч та бүхэнд итгэл хүлээлгэн боловсон хүчнээ бодлогоор бэлтгэх зорилгоор Монгол улсын хөгжлийн тэргүүлэх, эрэлттэй мэргэжлүүдээр сургалтын төлбөр, дотуур байр, амжиргааны зардлыг бүтэн олгож Боловсролын зээлийн сангийн түүхэнд анх удаагаа хэлний бэлтгэлээсээ эхлэн суралцах боломжийг олгоод байгаа билээ. Эх орныхоо татвар төлөгч ах, эгч нарынхаа хөлс хүчээр гадаадын дээд боловсролын байгууллагад суралцаж байгаа та бүхэн маань эрдэм номондоо хичээнгүйлэн суралцаж тухайн улсын хэл соёл, ёс заншил, сургуулийн дүрэм журмыг дагаж суралцахын сацуу хариуцлагаа ухамсарлан сургуулиа амжилттай төгсөн эх орондоо хүрэлцэн ирж, улс орныхоо хөгжил дэвшилд үнэтэй хувь нэмэр оруулна гэдэгт итгэл дүүрэн байна. Боловсролын зээлийн сан нь Монгол улсын хууль, Засгийн газрын тогтоолуудын хүрээнд журамд заасан санхүүжилтийг гэрээний үүргийн биелэлт, суралцагчийн дүн, сургалтын байгууллагуудаас ирүүлсэн судлах хичээлүүдийн нэртэй задаргаатай нэхэмжлэхэд хяналт тавьж санхүүжилтийг олгодог санхүүгийн байгууллага юм. Ерөнхийлөгчийн тэтгэлгээр гадаадын дээд боловсролын сургалтын байгууллагад суралцаж буй бүх суралцагчтай манай сан Засгийн газрын 2022 оны 346, 2024 оны 102 тогтоолуудын хавсралтад заасан журмын дагуу аймаг, нийслэлийн засаг дарга нартай гурвалсан гэрээг байгуулж санхүүжилт олгож байна. Иймд өөрөө болон итгэмжлэгдсэн төлөөлөгчөөрөө дамжуулан гэрээнд гарын үсэг зурж баталгаажуулсан суралцагч та бол хуулийн этгээд болж байгаа юм. Суралцагч та бүхэн гэрээгээ дахин нэг уншиж танилцан, дараах нийтлэг үүргээ хэрэгжүүлэхийг сануулья. – Амжилттай суралцах – Дэвшин суралцах эрхээ авах – Сургууль, мэргэжлээ солихгүй байх – Гэрээнд заасан хугцаанд төгсөх -Тухайн улсын болон сургуулийн дүрэм, журам – Гэмт хэрэг, зөрчил үйлдэхгүй байх – Сургуулиа амжилттай төгсөж ирээд аймаг нийслэлдээ мэргэжлээрээ 5 жил ажиллах гэх зэрэг гэрээний үүргээ биелүүлээгүй тохиолдолд санхүүжилт зогсоох, авсан бүх тэтгэлэгээ эргүүлэн төлөх эрсдэл үүсэхийг дахин анхааруулж байна. Чанартай боловсрол эзэмшиж Монгол улсынхаа нэрийг дэлхийд гарган орон нутгийнхаа хөгжилд хувь нэмрээ оруулах, эх оронч сэтгэлтэй, зөв хандлагатай, олон улсад өрсөлдөх чадвартай, бүтээлч, манлайлагч иргэн танд амжилт хүсье. Дараах эрх зүйн актуудтай legalinfo.mn-ээс уншиж танилцана уу. 2022, 2023 онд гэрээ хийсэн суралцагчид 2024 оны хичээлийн жилээс эхлэн суралцаж буй суралцагчид 2022 оны 9 дүгээр сарын 14-ний өдөр батлагдсан “Төрөөс олгох санхүүгийн дэмжлэг, тэтгэлгийн талаар авах зарим арга хэмжээний тухай”  346 дугаар тогтоолын хавсралт 1 2024 оны 03 дугаар сарын 06-ны өдөр батлагдсан “Журам шинэчлэн батлах, тогтоолд өөрчлөлт оруулах тухай” 102 тогтоол 2024 оны 02 дугаар сарын 28-ны өдөр батлагдсан “Журам шинэчлэн батлах тухай” 72 дугаар тогтоолын хавсралт “Боловсролын зээлийн сангийн хөрөнгийг зарцуулах, түүнд хяналт тавих журам”-тай мөн танилцаж мэдээлэл авна уу.    

Боловсролын зээлийн сангийн ажлын албаны дарга О.Сийлэгмаа 2024 оны 10 дугаар сарын 10-ны өдөр Бүгд Найрамдах Литва Улсаас Монгол Улсад хавсран суугаа Онц бөгөөд Бүрэн эрхт Элчин сайд Ричардас Шлепавичус, Литва улсын өргөмжит консул Д.Сайнбаяр нарыг хүлээн авч уулзаж, цаашид Ерөнхийлөгчийн Илгээлт-2100 хөтөлбөрийн хүрээнд хамтран ажиллах Литва улсын их, дээд сургуулиуд болон Монгол улсаас сургах оюутнуудын тоог хэрхэн нэмэгдүүлэх талаар санал солилцов. Тус хөтөлбөрийн хүрээнд 2023 оны намраас эхлэн Литва улсад оюутан суралцаж эхэлсэн бөгөөд 2024 онд тэтгэлэгт хөтөлбөрт шалгарсан таван оюутан агаарын тээврийн инженер, электроник, үйлдвэрлэлийн инженер, мэдээллийн технологийн мэргэжлээр Литва улсын гурван их сургуульд суралцаж байна. Хамтын ажиллагааны хүрээнд 2024 оны 10 сарын 26-ны өдөр зохион байгуулагдах бэлтгэл хөтөлбөрийн оюутнуудтай хийх уулзалт дээр Литва улсын Өргөмжит консул Д.Сайнбаяр оролцож, Боловсролын зээлийн сантай хамтын ажиллагаатай Литвийн их сургуулиудын тухай танилцуулга, суралцах боломжтой мэргэжлийн чиглэлүүд, сургалтын агуулгыг танилцуулахаар боллоо.

Боловсролын зээлийн сангийн ажлын албаны дарга О.Сийлэгмаа 2024 оны 10 дугаар сарын 9-ний өдөр сантай хамтын ажиллагаатай Бүгд Найрамдах Энэтхэг улсын Lovely Professional University-ийн захирал Нитеш Махажан, Монгол дахь суурин төлөөлөгч Ф.Баатарсүх нарыг хүлээн авч уулзаж, цаашид Ерөнхийлөгчийн Илгээлт-2100 хөтөлбөрийн хүрээнд Монгол улсаас сургах оюутнуудын тоог хэрхэн нэмэгдүүлэх, БНЭУ-д суралцаж буй суралцагчдад учирч буй асуудлууд, тэдгээрийг хэрхэн шийдвэрлэх талаар ярилцав. Хамтын ажиллагааны хүрээнд 2024 оны 10 сарын 26-ны өдөр зохион байгуулагдах бэлтгэл хөтөлбөрийн оюутнуудтай уулзах уулзалт дээр БНЭУ-ын LPU сургуулийн танилцуулга, эзэмшүүлж буй мэргэжил, сургалтын агуулгыг танилцуулахаар тохиролцов.

Боловсролын зээлийн сангийн санхүүжилтээр 1998-2016 онд суралцаж төгссөн зээлийн барьцаанд диплом нь хадгалагдаж байгаа, зээлээ төлөөгүй төгсөгчдийн мэдээллийг хуулийн байгууллагад шилжүүлэх бэлтгэл ажил хийгдэж байна. ХЭРЭВ ТА: 1. 2004-2007 онд дипломын болон бакалаврын боловсрол эзэмшиж Засгийн газрын 2008 оны 178 дугаар тогтоолын шалгуур Диплом олголт – Боловсролын зээлийн сан (https://elf.gov.mn/диплом-олголт) хангасан бол зээлээс чөлөөлөгдөх боломжтой. 2. Зээлээс чөлөөлөгдөх шалгуур хангасан бол баримт материалыг бүрдүүлэн ирж дипломоо авна уу. 3. Та зээлийн мэдээллээ регистрийн дугаараараа Боловсролын зээлийн сангийн цахим хуудасны дипломын лавлагаа хэсгээс харах боломжтой. Дэлгэрэнгүй мэдээллийг 70047009-1101, 1102