Author: BZS Support

АНУ-ын Засгийн газрын санхүүжилттэй Фулбрайтын Оюутны хөтөлбөр нь Монгол Улсад 1995 оноос, Монгол Улсын Засгийн газрын санхүүжилттэй хөтөлбөр 2011 оноос хэрэгжиж эхэлсэн. 2022 оноос эхлэн хоёр улсын Засгийн газрын санхүүжилттэйгээр нэгдсэн сонгон шалгаруулалт явагдах болж жил бүр нийт 13-15 оюутан хамруулж байна. Судлах чиглэлүүд Фулбрайтын Оюутны хөтөлбөр нь залуу мэргэжилтнүүдэд АНУ-д магистрийн зэрэг эзэмших боломжийг олгодог бүрэн тэтгэлэгт хөтөлбөр юм. Нийгмийн ухаан, хүмүүнлэг, инженер, эдийн засаг, бизнесийн судалгаа, төрийн болон төрийн албаны судалгаа зэрэг бүх чиглэлээр зарлагддаг ч дараах чиглэлээр суралцах иргэдийг түлхүү дэмжинэ: • Data Science • Artificial intelligence • Renewable energy • Environmental protection technology • Petroleum engineer • Mining technology • Education / Pre-School education, TESOL, Special needs education/ • Agricultural studies Жич: Хоёр улсын системийн ялгаанаас үүдэн эрүүл мэндийн салбарт зөвхөн нийгмийн эрүүл мэнд, хуулийн салбарт зөвхөн Master of Laws (LLM) чиглэлээр суралцах боломжтой. Дэлгэрэнгүй мэдээлэлтэй http://www.meds.gov.mn/post/126139 холбоосоор нэвтэрч танилцана уу.

    “Ерөнхийлөгчийн илгээлт 2100” тэтгэлэгт хөтөлбөр хоёр дахь жилдээ хэрэгжиж байна. Энэ хөтөлбөр нь 330 сум, 171 хороо бүрээс шилдэг сурагч шалгаруулж, бэлтгэл хөтөлбөрт хамруулан, дэлхийн шилдэг их, дээд сургуульд сурах болзол хангахад нь бэлтгэж, улмаар суралцуулж, төгсөж ирэхэд нь орон нутгийнхаа хөгжлийг түүчээлэхэд томилон ажиллуулах зорилготой цогц хөтөлбөр юм. “Ерөнхийлөгчийн илгээлт – 2100” тэтгэлэгт хөтөлбөрийн эзэд болж, бэлтгэл хөтөлбөрт суралцаж байгаа оюутан залууст өнөөдөр Монгол Улсын Ерөнхийлөгч захиа, даалгавар гардууллаа. “Ерөнхийлөгчийн илгээлт- 2100” эхний жилийн хөтөлбөрийн хүрээнд 256 оюутан Их Британи, Канад, Польш, Австрали, Хятад, Орос, Унгар, Энэтхэг, Вьетнам зэрэг 13 улсын их, дээд сургуульд суралцаж байна. Тэдний 60 гаруй хувь нь компьютер, программ хангамж, биотехнологи, барилга архитектур, сэргээгдэх эрчим хүч зэрэг инженер, технологийн чиглэлээр мэргэшиж байгаа юм. Монгол Улсын Ерөнхийлөгчийн зарлигийн дагуу Засгийн газрын баталсан “Ерөнхийлөгчийн нэрэмжит тэтгэлгийн журам”-д зааснаар харьяалагдах сум, хорооныхоо хамран сургах тойргийн сургуульд сүүлийн гурваас багагүй жил суралцан төгссөн, математик болон гадаад хэлний элсэлтийн ерөнхий шалгалтын онооны дунджаар сум, хороондоо тэргүүлсэн бол тэтгэлэгт хөтөлбөрт хамрагдах болзол хангадаг юм.

     Боловсролын амжилтаар дэлхийд тэргүүлэгч Финланд улсын “Eduten” математикийн сургалтыг дэмжих платформыг Монгол Улсын ЕБС-ийн сургалтад ашиглах боломжийг бүрдүүллээ. Энэ хүрээнд туршилтын хөтөлбөрт хамрагдах багш, мэргэжилтнүүдийг сургаж байна. “Eduten” платформ нь хиймэл оюун ухаан, тоглоомд суурилсан байдлаар боловсруулсан 200 мянга гаруй математикийн дасгал, даалгавруудын сантай. Багш нарын ажлын ачааллыг бууруулах, математикийн хичээлийн чанар, үр өгөөжийг дээшлүүлэх ач холбогдолтой ухаалаг систем юм. Уг платформ нь ЮНЕСКО-ийн хиймэл оюун ухаанаар дамжуулж боловсролыг дэмжих шилдэг туршлагыг нэвтрүүлсэн бүтээлд олгодог “Боловсролын төлөөх ICT” шагналыг 2020 онд, ЮНИСЕФ-ийн “Онцлох Edtech” шагналыг 2022 онд тус тус хүртсэн. Туршилт-судалгаанд нийслэл, аймаг, сумын 9 сургуулийн 15 бүлгийн 520 сурагч хамрагдах юм. Платформыг нэвтрүүлэх ажилд Боловсролын ерөнхий газар, Боловсролын судалгааны үндэсний хүрээлэн, Боловсролын үнэлгээний төв, ни йслэлийн боловсролын газар, сонгогдсон аймаг дүүргийн холбогдох мэргэжилтнүүд, сургуулийн удирдлага, багш нар оролцож байна. Туршилт-судалгааны үр дүнд үндэслэн тус платформыг цаашид ерөнхий боловсролын сургалтад нэвтрүүлэх боломжийг тодорхойлох юм.

НҮБ-ын Ерөнхий Ассамблейгаас энх тайван, хөгжил дэвшилд боловсролын оруулж буй үүрэг, хувь нэмрийг онцлох үүднээс жил бүрийн 1 дүгээр сарын 24-ний өдрийг Боловсролын олон улсын өдөр болгон тэмдэглэхээр баталж, тав дахь жилдээ “Боловсролыг эн тэргүүнд тавих, хөрөнгө оруулалтыг нэмэгдүүлэх” уриа дор тэмдэглэж байна. 2022 оны 9 дүгээр сард НҮБ-ын ЕНБД Антонио Гутеррешийн санаачилга дор зохион байгуулагдсан “Хувьсаж буй боловсрол” чуулга уулзалтаас гарсан үр дүнд үндэслэн ЮНЕСКО-оос энэ жилийн Боловсролын олон улсын өдрөөр улс орнуудыг боловсролын салбар өөрчлөлт, шинэчлэлтийг хэрэгжүүлэх үүрэг амлалтаа ажил хэрэг болгохыг уриалж буй юм. Боловсролыг хувирган өөрчилнө гэдэг нь дэвшилтэд техник, технологи, шинэлэг багшлахуй болон суралцахуйн арга замыг нэвтрүүлж, хүртээмжтэй, тэгш хамруулах шинэ боловсролын тогтолцоог бий болгоно гэсэн үг юм. Боловсрол гэдэг нь зөвхөн мэдлэг олгох бус шүүмжлэлт, бүтээлч сэтгэлгээг төлөвшүүлэх, хүн төрөлхтнийг байнга хувьсан өөрчлөгдөж буй ертөнцөд дасан зохицох чадварыг бэхжүүлэх явдал юм. Энэхүү Боловсролын олон улсын өдрөөр бүх нийтийн сайн сайхны төлөө боловсролыг хувирган өөрчлөх хөдөлгөөнд нэгдэхийг уриалж байна!

Боловсрол, шинжлэх ухаан, залуучуудын салбарт хамтран ажиллах тухай хоёр улсын Засгийн газрын хэлэлцээрийн хүрээнд Бүгд Найрамдах Чех Улсын их, дээд сургуульд 1-2 улирал буюу (2-9 сар) богино хугацааны сургалтын тэтгэлэг зарлагдлаа. Тавигдах шаардлага • Ерөнхий боловсролын сургуулийн 12 дугаар ангид суралцдаг Монгол Улсын иргэн; • Монгол Улсын магадлан итгэмжлэгдсэн их, дээд сургууль, коллежийн 1, 2 дугаар курсд 3.0 ба түүнээс дээш голч дүнтэй суралцаж байгаа иргэн; • Магистрант: бакалаврын зэрэгтэй, 3.0 ба түүнээс дээш голч дүнтэй, 2-оос доошгүй жил ажилласан ажлын туршлагатай, 35 хүртэлх насны; • Докторант: магистр зэрэгтэй, 3.0 ба түүнээс дээш голч дүнтэй, 2-оос доошгүй жил ажилласан ажлын туршлагатай, 45 хүртэлх насны; • Өөр улсын Засгийн газрын тэтгэлэгт хамрагдаагүй байх; • Бүгд Найрамдах Чех Улсын их, дээд сургуулиас элсэлтийн урилга, багшийн урилга зэрэг тухайн сургуулиас олгогдох элсэлтийн материалтай (Acceptance letter) бол давуу тал болно Бүгд Найрамдах Чех Улсын Засгийн газрын тэтгэлэгт дараах зүйлс багтана: • Сургалтын төлбөр • Амьжиргааны зардал /сар бүр бакалаврын оюутан 9,000 CZK, магистр, докторын оюутан 9,500 CZK/ • /Дотуур байрыг оюутан өөрөө хариуцна/ Цахим бүртгэлийн системд байршуулах баримт бичиг: 30 хүртэлх хоногийн сургалтад хамрагдах иргэд: • Өргөдлийн маягт • Боловсролын гэрчилгээ, дүнгийн жагсаалтын хамт • Суралцах төлөвлөгөө /Англи эсвэл Чех хэл дээр 200 үгээс доошгүй байх, Монгол орчуулгыг хавсаргах/; • Эрдэм шинжилгээний бүтээлийн жагсаалт (Докторын сургалтад өргөдөл гаргах иргэд зайлшгүй хавсаргах, бакалавр, магистрын сургалтад өргөдөл гаргах иргэд хавсаргах шаардлагагүй ч хавсаргавал давуу тал болно.) • Гадаад паспорт; • Иргэний үнэмлэх; • Англи эсвэл Чех хэлний B2 түвшний мэдлэгтэй болохыг батлах нотолгоо • Цагдаагийн бичиг;/E-Mongolia-аас татаж авах боломжтой/ 30-с дээш хоног суралцах иргэд • Өргөдлийн маягт • Боловсролын гэрчилгээ, дүнгийн жагсаалтын хамт • Суралцах төлөвлөгөө /Англи эсвэл Чех хэл дээр 200 үгээс доошгүй байх, Монгол орчуулгыг хавсаргах/; • Тодорхойлох захидал /Багш-1, ажлын газар-1/; • Гадаад паспорт; • Иргэний үнэмлэх; • Англи эсвэл Чех хэлний B2 түвшний мэдлэгтэй болохыг батлах нотолгоо • Цагдаагийн бичиг;/E-Mongolia-аас татаж авах боломжтой/ Эрдэм шинжилгээний ажилтан • Өргөдлийн маягт • Боловсролын гэрчилгээ, дүнгийн жагсаалтын хамт • Суралцах төлөвлөгөө /Англи эсвэл Чех хэл дээр 200 үгээс доошгүй байх, Монгол орчуулгыг хавсаргах/; • Тодорхойлох захидал /Багш-1, ажлын газар-1/; • Гадаад паспорт; • Иргэний үнэмлэх; • Англи эсвэл Чех хэлний B2 түвшний мэдлэгтэй болохыг батлах нотолгоо • Цагдаагийн бичиг;/E-Mongolia-аас татаж авах боломжтой/ • Бүгд Найрамдах Чех Улсын их, дээд сургуулиас элсэлтийн урилга, багшийн урилга зэрэг тухайн сургуулиас олгогдох элсэлтийн материал (Acceptance letter) хавсаргах ЖИЧ: БҮХ БИЧИГ БАРИМТЫГ ЧЕХ ЭСВЭЛ АНГЛИ ХЭЛ ДЭЭР ОРЧУУЛАН ЭХ ХУВИЙН ХАМТ ХАВСАРГАХ ШААРДЛАГАТАЙ. Бүртгэл Тэтгэлэгт хамрагдах хүсэлтийг дээрх материалуудын хамт 2023 ОНЫ 02 САРЫН 24-НЫ ДОТОР Боловсрол, шинжлэх ухааны яамны Гадаад харилцаа, хамтын ажиллагааны газарт хаяглан ирүүлнэ үү. “Өргөдлийн маягт”ыг энд дарж татаж авна уу. Баримт бичгийг бүрэн гүйцэд, үнэн зөвөөр ирүүлэх шаардлагатай бөгөөд хуурамчаар үйлдсэн тохиолдолд тэтгэлгийн эрхийг хасна. Тэтгэлгийн талаарх лавлагаа, мэдээллийг Боловсрол, шинжлэх ухааны яамны Гадаад харилцаа, хамтын ажиллагааны газрын 7012-0939 утсаар авч болно. Тэтгэлэгтэй холбоотой дэлгэрэнгүй мэдээллийг: БНЧУ-ын Дээд боловсролын байгууллагуудын www.studyin.cz, сургалтын хөтөлбөрийн талаарх мэдээллийг https://regvssp.msmt.cz/registrvssp/csplist.aspx сайтаас авах боломжтой.

Тус Улсын Боловсрол, Залуучууд, Биеийн тамирын яамнаас чех хэл соёлыг сонирхон судалдаг оюутан, төгсөгч, багш, ажилтныг дэмжих зорилгоор БНЧУ-д зохион байгуулагдах Слав судлалын зуны сургалтын хөтөлбөрийг зарлалаа. Зуны сургалт нь жил бүрийн 7,8,9 дүгээр саруудад зохион байгуулагддаг ба сургалтын агуулгаас хамааран 3-4 долоо хоног үргэлжилнэ. Тэтгэлэгт дараах зүйлс багтана. Үүнд: Сургалтын төлбөр Дотуур байр (өглөөний, өдрийн, оройн хоол багтана) Зуны сургалтын хүрээнд зохион байгуулагдах соёлын арга хэмжээ болон аялалд үнэгүй хамрагдах эрх Тэтгэлэгт дараах зүйлс багтахгүй.Үүнд: Олон улсын тээврийн зардал Виз олголттой холбоотой зардлууд Даатгалын зардал Тавигдах шаардлага Чех хэл соёлыг сонирхон судалдаг оюутан, төгсөгч, багш, ажилтан, 18-аас дээш настай Монгол Улсын иргэн; Чех хэлний А1 түвшний мэдлэгтэй байх: Ерөнхий суурь хөтөлбөрөөр чех хэлийг судалсан байх, эсвэл чех хэлний тодорхой мэдлэгтэй, хэлний мэдлэгээ гэрчлэх бичиг баримттай байх Бүрдүүлэх материал Цахим өргөдлийн маягт / Энд дарж татаж авна уу / Боловсролын гэрчилгээ, дүнгийн жагсаалтын хамт Гадаад паспорт Англи хэл эсвэл Чех хэлний мэдлэгтэй болохыг батлах нотолгоо Өргөдлийн маягтыг зөвхөн Англи эсвэл Чех хэлээр бөглөнө. Зуны сургалтад хамрагдах хүсэлтээ илэрхийлсэн эссэ /Англи эсвэл Чех хэл дээр 200 үгээс доошгүй байх, Монгол орчуулгыг хавсаргах/; Тэтгэлэгт хамрагдах хүсэлтийг дээрх материалуудын хамт 2023 ОНЫ 02 САРЫН 24-НЫ ДОТОР Боловсрол, шинжлэх ухааны яамны Гадаад харилцаа, хамтын ажиллагааны газарт хаяглан ирүүлнэ үү. Зуны сургалттай холбоотой дэлгэрэнгүй мэдээллийг БНЧУ-ын Боловсрол, залуучууд, биеийн тамирын яамны цахим хуудас болох https://www.msmt.cz/ -аас авах боломжтой. МОНГОЛ УЛСЫН БОЛОВСРОЛ, ШИНЖЛЭХ УХААНЫ ЯАМ

     Бүгд Найрамдах Турк Улсын Засгийн газрын тэтгэлгийн 2023-2024 хичээлийн жилийн бүртгэл 01 дүгээр сарын 10-аас 02 дугаар сарын 20-ны өдрийг дуустал https: //tbbs.turkiyeburslari.gov.tr цахим хуудсаар явагдана. Тэтгэлэг үндсэн хоёр үе шаттай. Эхний шат: https: //tbbs.turkiyeburslari.gov.tr цахим хуудас руу нэвтэрч өөрийн бүртгэлийг үүсгэн шаардлагатай мэдээлэл болон бичиг баримтыг зохих журмын дагуу хавсаргана. Дэлгэрэнгүй мэдээлэл цахим хуудаст байршсан байгаа. Хоёрдугаар шат: Эхний шатанд тэнцсэн тэтгэлэг горилогч Бүгд Найрамдах Турк Улсаас Монгол Улсад суугаа Элчин сайдын яаманд ярилцлагад орно. Ярилцлагын үеэр Турк болон Англи хэлний мэдлэг шаардахгүй. Тэтгэлэгт юу хамаарах вэ? Онгоцны тийз 1 жилийн хэлний бэлтгэлийн төлбөр Их, дээд сургуулийн сургалтын төлбөр Сар бүрийн мөнгөн тэтгэлэг: Бакалавр – 1000 лир; Магистр – 1400 лир; Доктор – 1800 лир; Эрүүл мэндийн даатгал Дотуур байрны төлбөр /Дотуур байранд амьдрахгүй байр түрээслэх сонирхолтой магистр, докторын оюутнуудад сар бүр 750 лир/ Нийт тэтгэлэг горилогчдод тавигдах шаардлага: Турк Улсын иргэншилгүй байх Турк Улсын аль нэг их, дээд сургуульд бүртгэлгүй, сурдаггүй байх Бакалавр – 21 нас хүрээгүй байх – Дүнгийн голч оноо 70 хувиас доошгүй байх Магистр – 30 нас хүрээгүй байх – Дүнгийн голч оноо 75 хувиас доошгүй байх Доктор – 35 нас хүрээгүй байх – Дүнгийн голч оноо 75 хувиас доошгүй байх Холбоосууд: Facebook : Türkiye Bursları Twitter : @TurkiyeBurslari Youtube : Türkiye Bursları Web : www.turkiyeburslari.gov.tr

    Үндэсний мэдээллийн МОНЦАМЭ агентлагаас уламжлал болгон зохион байгуулж ирсэн “Монголын сайхан бичигтэн-2022” улсын 26 дугаар уралдааны шагнал гардуулах ёслол өнөөдөр боллоо. “Монголын сайхан бичигтэн-2022” уралдааны долоон ангилалд 1100 гаруй хүн оролцжээ. Тус уралдаанд оролцогчдын хамгийн ахмад нь нийслэлийн Баянгол дүүргийн иргэн, 100 настай С.Жигмэдсүрэн гуай байсан бол хамгийн бяцхан нь нийслэлийн Сүхбаатар дүүргийн 131-р сургуулийн 2а ангийн сурагч Ж.Ундрал байлаа. 1-7 дугаар ангийн сурагчдын ангилал I байр: Э.Дариймаа 1-р сургуулийн 7е ангийн сурагч II байр: Э.Пүрэвжаргал Хөвсгөл аймгийн Мөрөн сум 6а ангийн сурагч III байр: Г.Анар Баянхонгор аймгийн 5-р сургуулийн 6б ангийн сурагч Тусгай байр: -М.Ирмүүн Нийслэлийн “Эрдмийн өргөө” цогцолбор сургуулийн 6 –11 ангийн сурагч П.Сарангэрэл Дархан-Уул аймгийн “Од” цогцолбор сургуулийн 7-10 ангийн сурагч 8-11 дүгээр ангийн сурагчдын ангилал I байр: И.Уранцэцэг Хөвсгөл аймгийн Мөрөн сумын “Сод эрдэм” сургуулийн 11б ангийн сурагч II байр: Н.Болормаа Дархан-Уул аймгийн 16-р сургуулийн 11а ангийн сурагч III байр: Г.Цолмон Хөвсгөл аймгийн Мөрөн сумын “Эрдмийн далай” цогцолбор сургуулийн 11б ангийн сурагч Тусгай байр: О.Энхбаасан Хөвсгөл аймгийн Баянзүрх сумын ЕБС-ийн 11б ангийн сурагч -Н.Үүрцайх Баянхонгор аймгийн Баянцагаан сумын 10а ангийн сурагч 12 дугаар ангийн сурагчдын ангилал I байр: Ү.Энхжин Хөвсгөл аймгийн Тосонцэнгэл сумын ЕБС- ийн 12б ангийн сурагч Ч.Өнөрзаяа Төв аймгийн Жаргалант сумын ЕБС-ийн 12а ангийн сурагч II байр: Б.Лхагвачимэг Төв аймгийн Батсүмбэр сумын ЕБС-ийн 12а ангийн сурагч Б.Билгүүнсаран Архангай аймгийн Цэцэрлэг сумын 4-р сургуулийн 12а ангийн сурагч III байр: Т.Цэнд Баянхонгор аймгийн Баянцагаан сумын ЕБС-ийн 12а ангийн сурагч Г.Анударь Хөвсгөл аймгийн Мөрөн сумын “Авьяас” сургуулийн 12а ангийн сурагч “Сайхан бичигтэн анги” ангилал I байр: Хөвсгөл аймгийн Мөрөн сумын “Эрдмийн далай” цогцолбор сургуулийн монгол хэл, бичгийн багш Б.Анхбаярын бэлтгэсэн 11д анги II байр: Сэлэнгэ аймгийн Сайхан сумын нэгдүгээр сургуулийн монгол хэл, бичгийн багш А. Баянжаргалын бэлтгэсэн 11а анги III байр: Хөвсгөл аймгийн Мөрөн сумын “Титэм” сургуулийн монгол хэл, бичгийн багш Ц.Цэвээнсүрэнгийн бэлтгэсэн 10б анги Мэргэжлийн багш нарын ангилал I байр: М.Ганбагана Дундговь аймгийн Сайнцагаан сумын “Цэгц билиг” сургуулийн монгол хэл, бичгийн багш II байр: Ү.Мөнхбалжир “Монголын хүүхдийн урлан бүтээх төв”-ийн багш III байр: Б.Оюун-Эрдэнэ Хөвсгөл аймгийн Мөрөн сумын “Титэм” сургуулийн монгол хэл, бичгийн багш Тусгай байр: Э.Батжаргал Нийслэлийн Баянзүрх дүүргийн “Оюунлаг” сургуулийн монгол хэл, бичгийн багш П.Бямбадулам Орхон аймгийн “Эрдмийн сан” сургуулийн багш Насанд хүрэгчдийн ангилал I байр: Б.Хүслэн-Эрдэнэ МУИС-ийн МХУЗБ-ийн 2 дугаар түвшний оюутан II байр: Б.Хандсүрэн ШУТИС-ийн IOT- зүйлсийн интернэтийн 3 дугаар түвшний оюутан III байр: Р.Эрдэнэболор “Оюут” урлангийн үүсгэн байгуулагч Тусгай байр: Э.Арвин МУБИС-ийн 1 дүгээр түвшний оюутан Ш.Нэргүй Дорнод аймгийн Хэрлэн сумын ахмад настан Уран бичлэгийн ангилал II байр: Ч.Бямбадолгор Архивын ерөнхий газрын ажилтан III байр: С.Баярмөнх “Хаан бичиг” төвийн уран бичээч, МУБИС-ийн 1-р түвшний оюутан Тусгай байр: Б.Зэсмаа МУБИС–ийн 3 дугаар курсийн оюутан О.Ням-Очир Чөлөөт уран бүтээлч Бүтээлийн ангилал I байр: Ч.Өнөрдэлгэр Өмнөговь аймгийн Гурвантэс сумын малчин II байр: М.Эрдэмбилиг “Зүүн Хүрээ Дашчойлин” хийдийн бурханч лам, багш III байр: Г.Угтахбаяр Орхон аймгийн ЕБ-ын 14-р сургуулийн 12а ангийн сурагч Тусгай байр: Ё.Ринченмядаг Завхан аймгийн Улиастай сумын 12б ангийн сурагч Ж.Ундрал НЕБ-ын 131-р сургуулийн 2а ангийн сурагч Нэрэмжит шагнал “Ш.Лувсанвандан сан”-гийн нэрэмжит шагналаар: – Ж.Гэрэлмаа Сэлэнгэ аймгийн Сайхан сумын 1 дүгээр сургуулийн багш “Монгол дуу, дүрс сан” ТББ-ын шагналаар: -Г.Энхсайхан Хөвсгөл аймгийн Мөрөн сумын “Титэм” сургуулийн 9а ангийг бэлтгэсэн багш -Завхан аймгийн Улиастай сумын 12в ангийн хамт олон. Бэлтгэсэн багш Т.Цэрэндолгор “Монгол хэл, бичгийн багш, судлаачдын үндэсний холбоо” -ны нэрэмжит шагналаар: -Б.Долгормаа Хөвсгөл аймгийн Мөрөн сумын “Далайван” ЕБС-ийн багш Ахмад дипломат Г.Луузаны нэрэмжит шагналаар: -Б.Оюунжаргал Завхан аймгийн Улиастай сумын “Чандмань-Эрдэнэ” сургуулийн 11а ангийн сурагч – Ү.Эмүжин Хөвсгөл аймгийн Тосонцэнгэл сумын 3б ангийн сурагч Ахмад дипломат Ч.Намчины нэрэмжит шагналаар: -Б.Булган-Эрдэнэ Увс аймгийн Наранбулаг сумын 8а ангийг бэлтгэсэн багш -Б.Амаржаргал Дорноговь аймгийн Замын – Үүд сумын 1 дүгээр сургуулийн багш Жүжигчин Р.Анхнямын нэрэмжит шагналаар: -С.Жигмэдсүрэн Нийслэлийн БГД-ийн нэгдүгээр хорооны ахмад настан -100 настай Дипломат Н.Батын нэрэмжит шагналаар – Л.Сэмжидмаа Орхон аймгийн Баян-Өндөр сумын 1 дүгээр сургуулийн багш -Э.Мөнхдалай Баянхонгор аймгийн 5 дугаар сургуулийн багш

Бүгд Найрамдах Турк Улсын Засгийн газрын тэтгэлгийн 2023-2024 хичээлийн жилийн бүртгэл 01 дүгээр сарын 10-нээс 02 дугаар сарын 20-ны өдрийг дуустал https: //tbbs.turkiyeburslari.gov.tr цахим хуудсаар явагдана. Тэтгэлэг үндсэн хоёр үе шатаас бүрдэнэ: Эхний шат: https: //tbbs.turkiyeburslari.gov.tr цахим хуудасруу нэвтэрч өөрийн бүртгэлийг үүсгэн шаардагдах бүхий л мэдээлэл болон бичиг баримтыг зохих журмын дагуу хавсаргана. Дэлгэрэнгүй мэдээлэл дээрх цахим хуудаст байршсан байгаа. Дараах шат: Эхний шатанд тэнцсэн тэтгэлэг горилигчид Бүгд Найрамдах Турк Улсаас Монгол Улсад суугаа Элчин сайдын яаманд ярилцлаганд дуудагдана. Ярилцлаганд ороход турк болон англи хэлний мэдлэг шаардахгүй. Тэтгэлэгт юу хамаарах вэ? Онгоцны тийз /Анхлан Турк Улс руу зорчих болон төгсөөд Монгол буцах тийз/ 1 жилийн хэлний бэлтгэлийн төлбөр Их, дээд сургуульд суралцах сургалтын төлбөр /Суралцах хугацаандахь төлбөр/ Сар бүрийн мөнгөн тэтгэлэг: Бакалавр – 1000 лир; Магистр – 1400 лир; Доктор – 1800 лир; Эрүүл мэндийн даатгал Дотуур байрны төлбөр /Дотуур байранд амьдралгүйгээр байр түрээслэх сонирхолтой Магистр, Докторын оюутнуудад сар бүр 750 лир/ Нийт тэтгэлэг горилогчдод тавигдах шаардлага: Турк Улсын иргэншилгүй байх Турк Улсын аль нэг Nх, дээд сургуульд бүртгэлгүй, сурдаггүй байх Бакалавр 21 нас хүрээгүй байх Дүнгийн голч оноо 70%-иас доошгүй байх Магистр 30 нас хүрээгүй байх Дүнгийн голч оноо 75%-иас доошгүй байх Доктор 35 нас хүрээгүй байх Дүнгийн голч оноо 75%-иас доошгүй байх