News

Боловсролын зээлийн сантай хамтран ажиллах даатгалын компани сонгон шалгаруулах урилга Боловсрол шинжлэх ухааны яамны харьяа Боловсролын зээлийн сан нь гадаад, дотоодын дээд боловсролын сургалтын байгууллагын шалгуурт тэнцсэн иргэдэд сургалтын төлбөрийн зээл, тэтгэлэг, амьжиргааны зардал, эргэн төлүүлэх  гэрээний үүргийг хангуулах  чиг үүргийн хүрээнд үйл ажиллагаа явуулдаг төрийн үйлчилгээний байгууллага юм. Манай байгууллага нь  дээрх суралцагчдын санхүүгийн болон гэнэтийн ослын улмаас тохиолдож болзошгүй эрсдэлээс хамгаалах, амь нас, олон улсын эрүүл мэндийн даатгалын үйлчилгээний гүйцэтгэгчийг сонгон шалгаруулахаар зарлаж байна. Бидэнтэй дээрх чиглэлээр хамтран ажиллах өрсөлдөхүйц нөхцөл санал болгох, эрх бүхий байгууллагуудыг сонгон шалгаруулалтад оролцохыг урьж байна. Сонгон шалгаруулалтад оролцох байгууллага  дараах материалыг ирүүлнэ үү: Шалгаруулалтад оролцох сонирхлоо илэрхийлсэн албан бичиг Байгууллагын үйл ажиллагаа, үйлчилгээ, туршлагын талаарх дэлгэрэнгүй танилцуулга Байгууллагын улсын бүртгэлийн гэрчилгээний хуулбар Тухайн чиглэлээр үйл ажиллагаа эрхлэх тусгай зөвшөөрлийн хуулбар Санал болгож буй даатгалын бүтээгдэхүүн болон нөхцөлийн талаар дэлгэрэнгүй мэдээлэл /даатгалын төрөл тус бүрээр хамрагдах болон хамрагдахгүй нөхцөлүүд, даатгалын хувь хэмжээ, нөхөн төлбөрийн мэдээлэл, хөнгөлөлт, урамшуулал гэх мэт/ Хамтран ажилладаг давхар даатгагчийн мэдээлэл /ямар, ямар даатгалын бүтээгдэхүүнүүдэд хамгаалалт үзүүлдэг, хамтран ажилласан жил гэх мэт/ Үнийн санал Оролцогч байгууллагын үнийн санал холбогдох материалыг хүлээн авах эцсийн хугацаа: 2023 оны 11 сарын 30-ны 17 цаг 30 минут. Материал хүлээн авах хаяг: Монгол улс, Улаанбаатар хот, Сүхбаатар дүүргийн 1 дүгээр хороо, 13 дугаар хороолол, Чагдаржавын гудамж 32/2, Сав плаза 11 давхар. И-мэйл хаяг: contact@elf.gov.mn

Архив, бичиг хэргийн ажилтан – 1 ТАВИГДАХ ШААРДЛАГА: Эдийн засаг, бизнес менежмент, архив судлал мэргэжлээр бакалавр болон түүнээс дээш зэрэгтэй Архивын үйл ажиллагааг баримт бичгийн үндсэн заавар, журмын дагуу хүлээн авах, хадгалах, хөтлөх, тайлагнах чадвартай Албан хэрэг хөтлөлтийн үндсэн зааврын дагуу албан бичиг боловсруулах чадвартай Төрийн албанд 1-ээс дээш жил ажилласан байх БҮРДҮҮЛЭХ МАТЕРИАЛ:  Төрийн албан хаагчийн анкет;  Иргэний үнэмлэхийн хуулбар;  Боловсролын баримт бичгийн баталгаажсан хуулбар; ХОЛБОО БАРИХ: 7004-7009 дотуур дугаар – 2/7 И-мэйл: contact@elf.gov.mn, uranchimeg@elf.gov.mn Хаяг: Монгол улс, Улаанбаатар хот, Сүхбаатар дүүрэг, 1-р хороо, 13-р хороолол, Чагдаржавын гудамж – 32/2, “SAV PLAZA” оффисын 11-н давхар

Манай улсын дээд боловсролын салбарт ажиллаж буй эрдэмтэн судлаач, багш нар энэ өдрүүдэд салбарын тулгамдсан асуудал, шийдэл, дэлхий нийтийн чиг хандлага, Монгол Улсын боловсролын бодлогын тойм шинжилгээ, дээд боловсролын чанар, гүйцэтгэл гээд олон чухал сэдвийг хөндөн ярилцахаар цуглаад байна. НҮБ-ын “Хувьсаж буй боловсрол” дээд хэмжээний чуулга уулзалт, ЮНЕСКО-ийн Дэлхийн дээд боловсролын 3 дугаар Ерөнхий бага хурал, НҮБ-ын Дээд боловсролын 2030 он хүртэлх замын зураглал, Тогтвортой Хөгжлийн Боловсрол (ТХБ), Монголын дээд боловсролын чанарын шинэчлэлийн бодлого, үйл ажиллагааны хүрээнд “Монгол Улсын дээд боловсролын Анхдугаар форум”-ыг НҮБ, ЮНЕСКО, БШУЯ хамтран зохион байгуулж байгаа юм. Энэхүү арга хэмжээнд Монгол Улсын Их Хурлын дарга Г.Занданшатар, Боловсрол, шинжлэх ухааны сайд Л.Энх-Амгалан, ЮНЕСКО-ийн Зүүн Ази дахь төлөөлөгчийн газрын захирал Шахбаз Хан болон ЮНЕСКО-ийн Монголын үндэсний комиссын ЕНБД С.Болдсайхан нар оролцлоо. Анхдугаар форумын үеэр дээд боловсролыг даяаршлын гол шинж чанаруудад хандуулан өөрчлөх, урт, дунд хугацааны хөгжлийн бодлого, нийгэм, эдийн засгийн хэрэгцээ шаардлагад уялдуулах, ялангуяа хөдөлмөрийн зах зээлийн хэрэгцээ шаардлагатай нийцүүлэх арга замын тухайд онцгой ач холбогдол өгч хэлэлцүүлэг өрнүүлэх ажээ. Боловсролын шинэ багц хуулийн хүрээнд батлагдсан Дээд боловсролын тухай хууль нь суралцагч төвтэй дээд боловсролын тогтолцоо болон засаглалыг оновчтой болгох, тэргүүлэгч их дээд сургуулиудын хамтын бүтээмж, үр ашигтай байдлыг нэмэгдүүлэх, мэргэжлийн, өндөр мэдлэг боловсролтой боловсон хүчин бүрдүүлэх, гүйцэтгэлийн үзүүлэлтэд суурилсан чанарын баталгаажуулалтын тогтолцоог бэхжүүлэх эрх зүйн орчинг бүрдүүлэхэд чиглэсэн. “Дээд боловсролын салбарт дүрэм, журам, холбогдох эрх зүйн актыг суралцагч төвтэй концепцод суурилан иж бүрэн шинэчлэх, сургалтын тогтолцоог орчин үеийн жишиг, хөгжлийн хэрэгцээ шаардлагад нийцүүлэх, хэрэгжилтийн үйл ажиллагааны үр дүнг үнэлэх, хэмжигдэхүйц болгох бодлого барихаар төлөвлөж байна. Тухайлбал, гүйцэтгэлийн үзүүлэлтэд суурилсан дээд боловсролын чанарын хяналтын тогтолцоог иж бүрэн, оновчтой зохион байгуулахад анхаарч ажиллана. Мөн дотоод, гадаадын их сургуулийн хамтын ажиллагаа эрчимжүүлэх, их сургууль- үйлдвэрлэлийн хамтын ажиллагааг дэмжих, оюуны өмч, технологи дамжуулалтын тогтолцоог хөгжүүлэх үйл ажиллагааны үнэлгээ, дэмжлэгийн талаар цаашид гүйцэтгэлийн үзүүлэлтэд суурилан ажиллах бодлого баримталж байна” хэмээн салбарын сайд Л.Энх-Амгалан форумын үеэр ярилаа. http://www.meds.gov.mn/post/133216