News

“Оюутан-цэрэг”-т цэргийн мэргэжил олгох сургалтад хамрагдах хүсэлтэй оюутнууд Нийслэл Улаанбаатар хот дахь магадлан итгэмжлэгдсэн их, дээд сургуулийн 1-р дамжааны Сурлагын голч дүн 2,8-аас дээш байх; 2023 оны 06 дугаар сарын 15-ны өдрөөс өмнө 18 нас хүрсэн байх; Эрүүл мэндийн даатгал төлөгдсөн байх зэрэг шаардлагыг хангасан оюутан E-Mongolia платформ ашиглан “ОЮУТАН ЦЭРГИЙН БҮРТГЭЛ”-д хамрагдаарай.

      2021 онд Боловсрол, шинжлэх ухааны сайд Л.Энх-Амгалан АНУ-ын хэд хэдэн сургуульд хөнгөлөлттэй үнээр суралцах боломжийг бүрдүүлж, санамж бичиг байгуулж байсан. Энэ сургуулиудын нэг нь Жорж Мейсоны их сургууль юм. Санамж бичгийн хүрээнд ШУТИС тус сургуультай хамтын ажиллагаа эхлүүлсэн. Тус сургуулийн оюутнууд АНУ-д шилжин суралцах хөтөлбөрийг зарлалаа. Жорж Мэйсоны их сургууль Виржиниа мужийн хамгийн том судалгааны их сургууль юм. Нийслэл Вашигтон хотод ойр байрладаг бөгөөд АНУ-ын 50 муж, дэлхийн 130 улсаас ирсэн 38 мянган оюутантай. Өнгөрсөн хагас зуун жилийн хугацаанд хурдацтай хөгжиж, инновац, энтрепренёр, олон талт, хүртээмжтэй байдлын төлөө тууштай ажилладаг гэдгээрээ хүлээн зөвшөөрөгдсөн. Уг хөтөлбөрт ШУТИС-ийн оюутнууд онлайнаар буюу https://www.gmu.edu/admissions-aid/apply-now холбоосоор бүртгүүлнэ үү: Бүх хөтөлбөр, мэргэжлийн талаарх мэдээллийг дараах холбоосоор үзнэ үү: https://catalog.gmu.edu/programs/ Хөтөлбөрт хамрагдах оюутнууд сургалтын төлбөр, байр, амьжиргааны бүх зардлаа хариуцана. Төлбөрийн мэдээлэл: Click for Transfer Costs and Information Оюутнууд дүнгийн хуудас болон шаардлагатай бусад бичиг баримтыг сургуулиасаа гаргаж өгнө. 30-аас доош кредит судласан оюутнууд БДБГэрчилгээ болон бусад бичиг баримтыг өгнө. Англи хэлний мэдлэгийн түвшин: TOEFL iBT – 80 ба дээ. Хэсэг бүрт 18-аас доошгүй оноотой байх (Волгенаугийн инженерийн сургуулийн оюутнуудад хамаарахгүй). Тестийн код: 5827. IELTS – 6.5 ба дээш. Дэд хэсэг бүрт 6.0-аас доошгүй оноо авсан байх. Код шаардлагагүй. Бүртгэл 2023 оны 4 дүгээр сарын 1-нийг дуустал үргэлжилнэ.

Боловсрол, шинжлэх ухааны сайд Л.Энх-Амгалан Google компанийн үйл ажиллагаа хариуцсан захирал Жон Вамвакитис, Япон болон Ази номхон далайн бүс нутгийг хариуцсан захирал Колин Марсон нартай уулзаж боловсролын шинэ платформ хэрэгжүүлэхээр ярилцлаа. Google компанитай хамтран 1. Ерөнхий боловсролын сургуулийн сурагч, техникийн болон мэргэжлийн боловсролын байгууллагад суралцагчдад зориулсан мэдээллийн технологийн хөтөлбөрийг анги бүрийн онцлогт тохируулан хэрэгжүүлэх, 2. Багш бүрийг компьютержуулах чиглэлээр хамтран ажиллаж, дэмжлэг үзүүлэх, боловсролын чанарыг сайжруулахад дижитал тоног төхөөрөмжийн төсөл хэрэгжүүлэхээр ярилцлаа. 3. Багш нарын ажлын ачааллыг бууруулах, олон системд тайлан шивдэг, программ нь ачаалаа дийлдэггүй байдлыг халж google-ийн боловсролын болон төрийн байгууллагын дижитал орчныг сайжруулахад чиглэсэн орчин үеийн программ хангамж, шинэлэг аппликейшн нэвтрүүлж ажиллахаар боллоо.

РУМЫН УЛСАД СУРАЛЦУУЛАХ СОНГОН ШАЛГАРУУЛАЛТ ЗАРЛАГДЛАА /2023-2024/ ТАВИГДАХ ШААРДЛАГА Бакалавр /3-6 жил/ • Ерөнхий боловсролын сургуулийн төгсөх ангийн сурагч • Монгол Улсын магадлан итгэмжлэгдсэн их, дээд сургууль, коллежийн 1,2 дугаар ангид суралцагч • Румын улсын их, дээд сургуулийн бакалаврын түвшинд суралцахаар төлөвлөж буй иргэн Магистр /1-2 жил/ • Бакалаврын боловсрол эзэмшсэн иргэн Доктор /3-5 жил/ • Докторын хөтөлбөрт суралцах хүсэлт гаргагч нь магистрын зэрэгтэй Монгол Улсын иргэн • Суралцах сургуулийн элсэлтийн урилга, багшийн урилга зэрэг тухайн сургуулиас олгодог элсэлтийн зөвшөөрөлтэй байх (Acceptance letter); МЭРГЭЖЛИЙН ЧИГЛЭЛ Анагаах ухаан, шүдний эмч, эм зүйчээс бусад бүх мэргэжлийн чиглэлээр суралцана. Бакалавр, магистрын түвшинд зөвхөн Румын хэлээр суралцуулна. Докторын түвшинд суралцах иргэд сонгосон сургалтын хөтөлбөрөөс шалтгаалан Румын эсвэл бусад хэл дээр суралцаж болно. Хэрэв Румын хэлээр суралцах бол 1 жил хэлний бэлтгэлд хамрагдана. /Румын улсын сургалтын байгууллагад 4-өөс дээш жил суралцаж төгссөн, Румын хэлний шалгалтын оноотой бол хэлний бэлтгэлд суралцах шаардлагагүй./ БҮРТГЭЛ 2023 оны 3 дугаар сарын 01-ний өдрийг хүртэл https://studyinromania.gov.ro/ цахим системээр явагдана. Цахим бүртгэлийн системд байршуулах баримт бичиг: • Боловсролын гэрчилгээ, диплом, дүнгийн жагсаалтын хуулбар (Боловсролын баримт бичиг); • Төрсний гэрчилгээ; • Иргэний үнэмлэх; • Гадаад паспорт эхний 3 хуудас /Олгосон байгууллагын мэдээлэлтэй хуудас/; • Анкет (Англи эсвэл Франц хэлээр байх) • Докторын хөтөлбөрт суралцах тэтгэлэг горилогч бүтээлийн жагсаалт, судалгааны сэдэв, судалгааны ажлын нарийвчилсан төлөвлөгөө, суралцах сургуулийн удирдагч багштай тохиролцсон талаар бичиг баримт Дээрх баримт бичгийн Англи, Франц, Испани хэл рүү хөрвүүлсэн албан ёсны орчуулгыг хавсаргах Тэтгэлгийн сонгон шалгаруулалтын хариуг 2023 оны 07 дугаар сарын 15-ны өдөр цахим шуудангаар дамжуулан нэр дэвшсэн иргэнд өөрт нь шууд ирүүлнэ. Тэтгэлэгтэй холбоотой дэлгэрэнгүй мэдээллийг https://studyinromania.gov.ro/ цахим хуудаснаас авна уу.

РУМЫН УЛСАД СУРАЛЦУУЛАХ СОНГОН ШАЛГАРУУЛАЛТ ЗАРЛАГДЛАА  ТАВИГДАХ ШААРДЛАГА Бакалавр /3-6 жил/ • Ерөнхий боловсролын сургуулийн төгсөх ангийн сурагч • Монгол Улсын магадлан итгэмжлэгдсэн их, дээд сургууль, коллежийн 1,2 дугаар ангид суралцагч • Румын улсын их, дээд сургуулийн бакалаврын түвшинд суралцахаар төлөвлөж буй иргэн Магистр /1-2 жил/ • Бакалаврын боловсрол эзэмшсэн иргэн Доктор /3-5 жил/ • Докторын хөтөлбөрт суралцах хүсэлт гаргагч нь магистрын зэрэгтэй Монгол Улсын иргэн • Суралцах сургуулийн элсэлтийн урилга, багшийн урилга зэрэг тухайн сургуулиас олгодог элсэлтийн зөвшөөрөлтэй байх (Acceptance letter); МЭРГЭЖЛИЙН ЧИГЛЭЛ Анагаах ухаан, шүдний эмч, эм зүйчээс бусад бүх мэргэжлийн чиглэлээр суралцана. Бакалавр, магистрын түвшинд зөвхөн Румын хэлээр суралцуулна. Докторын түвшинд суралцах иргэд сонгосон сургалтын хөтөлбөрөөс шалтгаалан Румын эсвэл бусад хэл дээр суралцаж болно. Хэрэв Румын хэлээр суралцах бол 1 жил хэлний бэлтгэлд хамрагдана. /Румын улсын сургалтын байгууллагад 4-өөс дээш жил суралцаж төгссөн, Румын хэлний шалгалтын оноотой бол хэлний бэлтгэлд суралцах шаардлагагүй./ БҮРТГЭЛ 2023 оны 3 дугаар сарын 01-ний өдрийг хүртэл https://studyinromania.gov.ro/ цахим системээр явагдана. Цахим бүртгэлийн системд байршуулах баримт бичиг: • Боловсролын гэрчилгээ, диплом, дүнгийн жагсаалтын хуулбар (Боловсролын баримт бичиг); • Төрсний гэрчилгээ; • Иргэний үнэмлэх; • Гадаад паспорт эхний 3 хуудас /Олгосон байгууллагын мэдээлэлтэй хуудас/; • Анкет (Англи эсвэл Франц хэлээр байх) • Докторын хөтөлбөрт суралцах тэтгэлэг горилогч бүтээлийн жагсаалт, судалгааны сэдэв, судалгааны ажлын нарийвчилсан төлөвлөгөө, суралцах сургуулийн удирдагч багштай тохиролцсон талаар бичиг баримт Дээрх баримт бичгийн Англи, Франц, Испани хэл рүү хөрвүүлсэн албан ёсны орчуулгыг хавсаргах Тэтгэлгийн сонгон шалгаруулалтын хариуг 2023 оны 07 дугаар сарын 15-ны өдөр цахим шуудангаар дамжуулан нэр дэвшсэн иргэнд өөрт нь шууд ирүүлнэ. Тэтгэлэгтэй холбоотой дэлгэрэнгүй мэдээллийг https://studyinromania.gov.ro/ цахим хуудаснаас авна уу.

      2023 оны Элсэлтийн Ерөнхий Шалгалтын бүртгэл өнөөдөр буюу 2 дугаар сарын 6-ны 10:00 цагт эхэллээ. Бүртгэл 4 дүгээр сарын 14-ний өдрийн 18:00 цагт дуусна. Монгол хэлбичгийн шалгалтын бүртгэл 2023 оны 3 дугаар сарын 31-ний өдрийн 18 цагт дуусна. Энэ хичээлийн жилд Ерөнхий боловсролын сургуулийг 34117 сурагч төгсөнө. Өмнөх оны төгсөгчидтэй нийлээд 40 орчим мянган шалгуулагч элсэлтийн ерөнхий шалгалтад орно гэж урьдчилсан байдлаар тооцоолж байна. Шалгуулагч нь Боловсролын үнэлгээний төвийн eyesh.eec.mn цахим хаяг руу хандан бүртгэлээ хийхдээ дараах материалыг бүрдүүлнэ. Иргэний үнэмлэх болон түүнтэй адилтгах баримт бичиг /иргэний үнэмлэхийн лавлагаа, гадаад паспорт, цагдаагийн үнэмлэх, мөн гадаадын иргэний Монгол Улсад оршин суух түр үнэмлэх / Өнгөт цээж зураг /цээж зураг нь 3*4 хэмжээтэй, сүүлийн 3 сарын дотор авхуулсан, урагшаа цэх харсан, арын фон нь цайвар цулгуй өнгийн, нарны шил болон малгайгүй байна/ Бүх банкны интернэт гүйлгээ хийх эрхтэй төлбөрийн карт Шалгуулагч бүр зөвхөн өөрийн и-мэйл хаягаар бүртгүүлнэ Монгол хэл бичгийн шалгалт нь үнэ төлбөргүй. Харин ЭЕШ-ын нэг хичээлийн бүртгэлийн хураамж 5800 төгрөг байна. Хөгжлийн бэрхшээлтэй иргэн болон тусгай сургуулийн суралцагч ЭЕШ-д хамрагдахаар бүртгүүлсэн бол холбогдох бичиг баримтыг бүртгэлийн хугацаанд Боловсролын үнэлгээний төвд ирүүлнэ. Өргөдөл хүсэлт Эмчийн магадалгаа Сургуулийн тодорхойлолт Элсэлтийн ерөнхий шалгалтын зарим онцлогийг нэрлэвэл 2022 оноос эхлэн ЭЕШ-ыг жилд 2 удаа зохион байгуулах болсон Шалгуулагчдын дүн оноог блокчейн технологид байршуулж байгаа учир баталгаатай удаан хугацаанд хадгалагдана BI ухаалаг тайлангийн ситемийг нэвтрүүлсэн учир ерөнхий үр дүнг харах боломжтой Дүйцүүлэх үнэлгээний журам мөрдөгдөж байгаа ЭЕШ-тай холбоотой асуудлаар БҮТ-ийн www.eec.mn, facebook/eec.mn, mobile APP, myfuture.mn, help.eec.mn, stat.eec.mn гэсэн мэдээллийн эх сурвалжид хандаж болно. Шалгуулагчид шалгалтын айдас, түгшүүрээ дарах зорилгоор сэтгэл зүйчтэй холбогдон зөвлөгөө мэдээлэл авах боломжтой. Мөн 70119498, 75779498 гэсэн утас руу холбогдож болно. Бүртгэлийн дугаар, нууц үгээ мартсан бол 133233 гэсэн тусгай дугаарт регистрийн дугаарын 8 оронтой тоог илгээн авах боломжтой.

ЭЛСЭЛТИЙН ЕРӨНХИЙ ШАЛГАЛТЫН БҮРТГЭЛ ЭХЭЛЛЭЭ 2023 оны элсэлтийн ерөнхий шалгалтын бүртгэл орон даяар, Улаанбаатар хотын цагаар 2023 оны 02-р сарын 06-ны өглөө 10:00 цагт эхэлж, 2023 оны 04-р сарын 14-ний өдрийн 18:00 цагт дуусна. Бүртгэл https://eyesh.eec.mn/ цахим хуудсаар явагдана. Шалгуулагчид Элсэлтийн ерөнхий шалгалтад бүртгүүлэхдээ : Элсэлтийн ерөнхий шалгалтад бүртгүүлэхдээ шалгуулагч зөвхөн өөрийн и-мэйл хаягийг ашиглана. Элсэлтийн ерөнхий шалгалтад монгол хэл, англи хэл, орос хэл, математик, физик, хими, биологи, газар зүй, монгол улсын түүх, нийгмийн тухай мэдлэг хичээлүүдээс 2-оос багагүйг сонгож бүртгүүлнэ. Элсэлтийн ерөнхий шалгалтын нэг хичээлийн төлбөр 5800 төгрөг байна Элсэлтийн ерөнхий шалгалтын бүртгэлийн хугацаанд шалгалт өгөх хичээлээ сонгож төлбөрөө төлсөн байна. Төлбөр төлөгдөөгүй тохиолдолд бүртгэл баталгаажихгүй. Хөгжлийн бэрхшээлтэй болон тусгай сургуулийн суралцагчид Элсэлтийн ерөнхий шалгалтад бүртгүүлсэн бол холбогдох бичиг баримт /өргөдөл, хүсэлт, эмчийн магадлагаа, тодорхойлолт, сургуулийн албан бичиг/-ыг бүртгэлийн хугацаанд БҮТ-д ирүүлнэ. Элсэлтийн ерөнхий шалгалтын бүртгэлтэй холбоотой мэдээлэл, жишиг даалгавар, теле хичээлийг БҮТ-ийн цахим зөвлөх http://help.eec.mn/ хуудаснаас авах боломжтой. Мөн төвийн лавлах утас 7011-9498, 7577-9498 утсанд хандаарай.                                                                                         Та бүхэнд амжилт хүсье.

Боловсролын зээлийн сангаар гадаад болон дотоодын дээд боловсролын сургалтын байгууллагад зээлээр сурч төгссөн иргэд гэрээний үүргийн дагуу тус сантай 2023 оны 2 дугаар сарын 01-нээс 2 дугаар сарын 10-ны дотор хувийн хэрэг материалын тулгалт, санхүүжилтийн тооцоо нийлэхийг мэдэгдэж байна.

Оросын Холбооны Улсын Засгийн Газрын тэтгэлэгээр 2023-2024 оны хичээлийн жилд Орос улсын аль нэгэн их дээд сургуульд суралцах хүсэлтэй тэтгэлэг горилогчдын бүртгэл 2023 оны 2-р сарын 20-ны өдөр хүртэл явагдана. Монгол Улсын 620 иргэнийг тус улсын засгийн газрын тэтгэлгээр суралцуулахаар шийдвэрлэсэн байна. Дараах холбоосоор нэвтэрч дэлгэрэнгүй мэдээлэлтэй танилцана уу. http://www.meds.gov.mn/post/126267

АНУ-ын Засгийн газрын санхүүжилттэй Фулбрайтын Оюутны хөтөлбөр нь Монгол Улсад 1995 оноос, Монгол Улсын Засгийн газрын санхүүжилттэй хөтөлбөр 2011 оноос хэрэгжиж эхэлсэн. 2022 оноос эхлэн хоёр улсын Засгийн газрын санхүүжилттэйгээр нэгдсэн сонгон шалгаруулалт явагдах болж жил бүр нийт 13-15 оюутан хамруулж байна. Судлах чиглэлүүд Фулбрайтын Оюутны хөтөлбөр нь залуу мэргэжилтнүүдэд АНУ-д магистрийн зэрэг эзэмших боломжийг олгодог бүрэн тэтгэлэгт хөтөлбөр юм. Нийгмийн ухаан, хүмүүнлэг, инженер, эдийн засаг, бизнесийн судалгаа, төрийн болон төрийн албаны судалгаа зэрэг бүх чиглэлээр зарлагддаг ч дараах чиглэлээр суралцах иргэдийг түлхүү дэмжинэ: • Data Science • Artificial intelligence • Renewable energy • Environmental protection technology • Petroleum engineer • Mining technology • Education / Pre-School education, TESOL, Special needs education/ • Agricultural studies Жич: Хоёр улсын системийн ялгаанаас үүдэн эрүүл мэндийн салбарт зөвхөн нийгмийн эрүүл мэнд, хуулийн салбарт зөвхөн Master of Laws (LLM) чиглэлээр суралцах боломжтой. Дэлгэрэнгүй мэдээлэлтэй http://www.meds.gov.mn/post/126139 холбоосоор нэвтэрч танилцана уу.