Сургалтын зээл тэтгэлэг, буцалтгүй тусламж

Дотоод, гадаадын сургалтын байгууллагад бакалавр, магистр, докторын үндсэн хөтөлбөрөөр, мөн дотоодын сургалтын байгууллагад дэд бакалавр хөтөлбөрөөр суралцах иргэнд сургалтын төлбөрийн хөнгөлөлттэй зээл олгоно.

Тавигдах шаардлага

• Монгол Улсын иргэн байх
• Монгол Улсын магадлан итгэмжлэгдсэн дээд боловсролын сургалтын байгууллагын оюутан байх
• Магадлан итгэмжлэгдсэн сургалтын хөтөлбөрөөр суралцдаг байх
• Дээд боловсролын сургалтын байгууллагын үндэсний эрэмбийн үнэлгээний “сургалт” хэсэгт 50-аас дээш хувийн үнэлгээ авсан сургалтын байгууллагад суралцах
• Шинээр элсэгчийн элсэлтийн ерөнхий шалгалтын дундаж оноо 500 болон түүнээс дээш байх
• Үндсэн хөтөлбөрөөр  суралцаж байгаа бакалаврын шатлалын оюутны голч дүн 2.8 болон түүнээс дээш байх
• Үндсэн хөтөлбөрөөр суралцаж байгаа магистрант, докторантын голч дүн 3.0 болон түүнээс дээш байх
• Дээд боловсролын удирдлага мэдээллийн системд бүртгэгдсэн байх
• Суралцагч Боловсролын зээлийн сангаас авсан зээлээ төлөөгүй, гэрээгээр хүлээсэн үүргээ биелүүлээгүй, хуурамч баримт бичиг бүрдүүлсэн тохиолдолд сургалтын төлбөрийн зээл олгохгүй
• Даатгалд хамрагдсан байх
• Дотоодын дээд боловсролын сургалтын байгууллагад эхний хоёр жилийг амжилттай суралцаж, гадаадын хамтран ажиллагч дээд боловсролын сургалтын байгууллагад үргэлжлүүлэн суралцах эрх (2+2 хөтөлбөр) авсан тохиолдолд

Бүрдүүлэх материал

• Иргэний үнэмлэхийн лавлагаа (И-Монгол цахим системээс)
• Зээл хүссэн, эргэн төлөхөө илэрхийлсэн өргөдөл /ТАТАХ…/
• Элсэлтийн ерөнхий шалгалтын батламжийн эх хувь (И-Монгол цахим системээс)
• Сургуулийн голч дүнг тусгасан тодорхойлолт
• Төлбөрийн нэхэмжлэхийн эх хувь
• Тухайн улиралд судалж байгаа хичээлийн баталгаажуулсан жагсаалт
• Ирээдүйн зорилго тодорхойлох эссэ /зээлд хамрагдсанаар нийгэмд үзүүлэх хувь нэмэр, тухайн мэргэжлээр суралцсанаар ямар үр дүнд хүрэх талаарх/