СУРГАЛТЫН БУЦАЛТГҮЙ ТУСЛАМЖИЙН ХЭЛТЭС

Буцалтгүй тусламж, тэтгэлгийн цахим систем

Сургалтын төлбөрийн буцалтгүй тусламж, тэтгэлэг

      Монгол Улсын Засгийн газрын 2024 оны 102 дугаар тогтоол  “ТӨРӨӨС ОЛГОХ САНХҮҮГИЙН ДЭМЖЛЭГ, ТЭТГЭЛГИЙН ТАЛААР АВАХ ЗАРИМ ХЭМЖЭЭНИЙ ТУХАЙ”  Монгол Улсын дээд боловсролын сургалтын байгууллагын диплом, бакалавр, магистр, докторын боловсрол эзэмших өдрийн ангид суралцаж байгаа Монгол улсын иргэнд сургалтын төлбөрийн буцалтгүй тусламж, тэтгэлгийг Боловсролын зээлийн сангаар дамжуулан олгоно.

                             БУЦАЛТГҮЙ ТУСЛАМЖААР СУРАЛЦАГЧ

ХАМРАГДАХ НӨХЦӨЛ:

№

Хөтөлбөрийн нэр

Боловсролын зэрэг

Голч дүн

1

Хөгжлийн бэрхшээлтэй суралцагч

Дэд бакалавр, бакалавр, магистр, доктор

Дэд бакалавр, бакалавр-2.0,

магистр,доктор-2.4

2

Бүтэн өнчин суралцагч

Дэд бакалавр,    бакалавр,

     2.0 доошгүй

3

Эцэг, эх нь хоёулаа, эсхүл хагас өнчин бол эцэг/ эх нь хөгжлийн бэрхшээлтэй өрхийн

4

Хөдөлмөрийн чадвараа алдсан гишүүнтэй өрхийн

5

Цаатан, Урианхай, Тува өрхийн суралцагч 

бакалавр

6

“Монголын сайхан бичигтэн”

7

Нэг гэр бүлийн 3 болон түүнээс дээш хүүхэд нь дотоодын сургалтын байгууллагын бакалаврын үндсэн хөтөлбөрт зэрэг суралцагч

Тавигдах шаардлага:

  • Монгол Улсын иргэн байх;
  • Зохих журмын дагуу элссэн, боловсролын цахим мэдээллийн системд бүртгэгдсэн байх;
  • Дээд боловсролын сургалтын байгууллагын үндэсний эрэмбийн үнэлгээний сургалтын хэсэгт 50-аас дээш хувийн үнэлгээ авсан сургалтын байгууллагад суралцах;
  • Магадлан итгэмжлэгдсэн сургалтын хөтөлбөрөөр суралцах;
  • Дэд бакалавр, бакалавр, магистр, докторын хөтөлбөрт хоёр дахь мэргэжил эзэмшихээр суралцаагүй байх;
  • Зээл авснаас бусад тохиолдолд сангийн хөрөнгөөр суралцаагүй байх;

Бүрдүүлэх материал:

Дотоодын сургалтын байгууллагын суралцагч нь дараах материалыг бүрдүүлж, сургуульдаа өгнө.

  • Иргэний үнэмлэхийн хуулбар
  • Зээл, тэтгэлэг хүссэн өргөдөл  /ТАТАХ…/
  • Элсэлтийн ерөнхий шалгалтын батламж  (шинээр элсэгч)
  • Суралцагчийн голч дүнг тусгасан сургуулийн тодорхойлолт
  • Тухайн улиралд судалж байгаа хичээлийг баталгаажуулсан  жагсаалт
  • Төрсний лавлагаа /төрсний гэрчилгээний хуулбар
  • Бүтэн өнчин суралцагчийн хувьд эцэг, эхийн нас барсныг гэрчлэх бичиг баримт
  • Хагас өнчин, эцэг эхийн аль нэг хөдөлмөрийн чадвараа алдсан суралцагчийн хувьд /эцэг, эх аль нэг нас барсны лавлагаа, хувь, хугацаа тогтоосон акт/
  • Эцэг, эх нь хоёулаа хөгжлийн бэрхшээлтэй бол эцэг, эхийн хувь, хугацаа  тогтоосон акт
  • 3 ба түүнээс дээш хүүхэд нь зэрэг суралцаж байгааг нотлох сургуулийн тодорхойлолт
  • Уралдааны эхний гурван байрт шалгарсан тухай эрх бүхий байгууллагын баримт бичиг

                        ЗАРИМ ЭРЭЛТТЭЙ МЭРГЭЖЛЭЭР СУРАЛЦАГЧ

№

Хөтөлбөрийн нэр

Боловсролын зэрэг

Голч дүн

1

Сувилагч

  Дэд бакалавр, бакалавр

           2.8-аас доошгүй

2

Нийгмийн ажилтан

3

Номын санч

4

Хоол зүйч

5

Хэл засалч

6

Хөдөлгөөн засалч

7

Хөдөлмөр засалч

8

Сэтгэл зүйч

9

Арга зүйч

Тавигдах шаардлага:

  • Монгол Улсын иргэн байх;
  • Зохих журмын дагуу элссэн, боловсролын цахим мэдээллийн системд бүртгэгдсэн байх;
  • Дээд боловсролын сургалтын байгууллагын үндэсний эрэмбийн үнэлгээний сургалтын хэсэгт 50-аас дээш хувийн үнэлгээ авсан сургалтын байгууллагад суралцах;
  • Магадлан итгэмжлэгдсэн сургалтын хөтөлбөрөөр суралцах;
  • Дэд бакалаврын үндсэн хөтөлбөрт элсэн суралцагч нь элсэлтийн шаардлага хангасан байх, үргэлжлүүлэн суралцагч нь өмнөх улирлын голч дүн 2.8-аас доошгүй байх.
  • Дотоодын сургалтын байгууллагын суралцагчид элсэх мэргэжлийн хичээлийн элсэлтийн шалгалтад 501-ээс дээш оноо авсан тохиолдолд 100 хувийн, үргэлжлүүлэн суралцагчид өмнөх улиралд 2.8-3.0 хүртэл голч дүнтэй суралцсан тохиолдолд 70 хувийн, 3.0 болон түүнээс дээш голч дүнтэй суралцсан тохиолдолд 100 хувийн сургалтын төлбөрийн тэтгэлэг олгоно.
  • Хөгжлийн бэрхшээлтэй хүүхдэд боловсрол олгох чиглэлээр заасан мэргэжлийг 2 дахь мэргэжлээр сонгон дэд бакалавр, бакалаврын үндсэн хөтөлбөрөөр суралцаж болно.
  • Суралцагч нь төгсөөд төрийн болон орон нутгийн өмчийн сургуулийн өмнөх боловсролын, ерөнхий боловсролын, мэргэжлийн болон техникийн боловсролын сургалтын байгууллагад, мэргэжлээрээ, хөдөө орон нутагт 3-аас доошгүй жил эсхүл нийслэлд 5-аас доошгүй жил тогтвортой ажиллах нөхцөлийг хүлээн зөвшөөрсөн байна.

Бүрдүүлэх материал:

Дотоодын сургалтын байгууллагын суралцагч нь дараах материалыг бүрдүүлж, сургуульдаа өгнө.

  • Иргэний үнэмлэхийн хуулбар
  • Өргөдөл (баталсан маягтын дагуу);  /ТАТАХ…/
  • Элсэлтийн ерөнхий шалгалтын батламж  (шинээр элсэгч)
  • Суралцагчийн голч дүнг тусгасан сургуулийн тодорхойлолт
  • Тухайн улиралд судалж байгаа хичээлийг баталгаажуулсан  жагсаалт
  • Эцэг эх, асран хамгаалагч, суралцагчийн иргэний үнэмлэхийн хуулбар
  • Хөгжлийн бэрхшээлтэй хүүхдэд боловсрол олгох чиглэлээр заасан мэргэжлээр 2 дахь удаа суралцагч нь өмнөх боловсролын зэргийн дипломын хуулбар

                  ЗАСГИЙН ГАЗАР ХООРОНДЫН ГЭРЭЭГЭЭР СУРАЛЦАГЧ

Монгол Улсаас гадаад улсад суралцах суралцагч дараах шаардлага хангасан байна:

    • Монгол Улсын иргэн байх;
    • Тэргүүлэх, эсхүл эрэлттэй мэргэжлийн чиглэлээр үндсэн хөтөлбөрөөр суралцах;
    • Бакалавр, магистр, докторын хөтөлбөрт хоёр дахь мэргэжил эзэмшихээр суралцаагүй байх;
    • Зээл авснаас бусад тохиолдолд энд дурдсан сан болон төсвийн хөрөнгөөр суралцаагүй байх;
    • Элсэн суралцагч бол үндсэн хөтөлбөрөөр суралцах шаардлага хангаж, урилга авсан байх, үргэлжлүүлэн суралцагч бол өмнөх улирлын голч дүн авбал зохих үнэлгээний 75 хувиас доошгүй байх.
    • Сан Монгол Улсаас гадаад улсад суралцагчтай, гадаад улсаас Монгол Улсад суралцагчтай хоёр талт гэрээ байгуулна.
    • Монгол Улсаас гадаад улсад суралцах суралцагчид сургалтын төлбөрийн болон амьжиргааны зардал (дотуур байрны болон хүнсний зардал)-ын тэтгэлэг олгоно.
    • Гадаад улсаас Монгол Улсад суралцах суралцагчийн талаар тухайн улстай харилцан адил байх зарчмыг баримтлах бөгөөд тэтгэлгийн хувьд сургалтын төлбөрийн болон дотуур байрны зардлыг тухайн зардлын хэмжээгээр, хүнсний зардлыг Үндэсний статистикийн хорооноос тогтоосон тухайн жилийн хүн амын амьжиргааны доод түвшингээр тооцож олгоно.
    • Тэтгэлгээр үргэлжлүүлэн суралцах тохиолдолд өмнөх улирлын голч дүн Монгол Улсаас гадаад улсад суралцагч бол авбал зохих үнэлгээний 75 хувиас доошгүй байх, гадаад улсаас Монгол улсад суралцагч бол 2.0-оос доошгүй байна.

    ГЭРЭЭНИЙ ҮҮРЭГ: Сургуулиа амжилттай төгсөх, эх орондоо ирж 5 жил ажиллах

            БАГШ, АЖИЛТАН БОЛОН БАГШ МЭРГЭЖЛЭЭР             СУРАЛЦАГЧИЙН ТЭТГЭЛЭГ

    Тэтгэлгийн хамрах хүрээ:

    1. Багш мэргэжлийн сонгон бүлгийн төгсөгч;
    2. Багш мэргэжлээр бакалаврын хөтөлбөрт суралцагч;
    3. Дадлагажигч багш;
    4. Боловсролын (01) чиглэлээр магистрын хөтөлбөрт суралцагч;
    5. Багш мэргэжлээр хөрвөх бакалаврын хөтөлбөрийн суралцагч;
    6. 15 жил тасралтгүй ажилласан багш, ажилтны нэг хүүхэд;

  2. Нийтлэг шалгуур:

    • Монгол улсын иргэн байх;
    • Элсэлтийн журмын дагуу элссэн, боловсролын цахим мэдээллийн системд бүртгэгдсэн байх;
    • Магадлан итгэмжлэгдсэн сургалтын хөтөлбөрөөр суралцахаар сонгосон байх
    • Багш, суралцагч дэмжлэгээр үргэлжлүүлэн суралцах тохиолдолд өмнөх улирлын голч дүн нь багш бэлтгэх бакалаврын сургалтын үндсэн хөтөлбөрөөр суралцагч бол 2.7-оос доошгүй, магистрын сургалтын үндсэн хөтөлбөрөөр суралцагч бол 3.0-оос доошгүй,
    • Багш, ажилтны хүүхэд бол өмнөх улиралд сонгон судалсан бүх хичээлд амжилттай үнэлэгдсэн байх;

  3. Тэтгэлэг баталгаажих процесс:

    Суралцагч суралцаж төгсөөд төрийн болон орон нутгийн өмчийн боловсролын сургалтын байгууллагад орон нутагт 3-аас доошгүй жил, нийслэлд 5-аас доошгүй жил тогтвортой ажиллах заасан шаардлагыг хүлээн зөвшөөрч гэрээ байгуулснаар тэтгэлэг баталгаажна.

    Бүрдүүлэх материал:

    1. Тэтгэлэг хүссэн өргөдөл /Тухайн суралцаж буй сургалтын байгууллагад тэтгэлэгт хамрагдах тухай цаасан хэлбэрээр өргөдөл гаргах  / ТАТАХ…/
    2. Иргэний үнэмлэхийн хуулбар;
    3. Элсэлтийн ерөнхий шалгалтын батламжийн хуулбар;
    4. Үргэлжлүүлэн суралцагч бол өмнөх улирлын голч дүнгийн хуудас;
    5. Сургалтын төлбөрийн нэхэмжлэх;
    6. Магистрын болон хоёр дахь мэргэжлээр бакалаврын сургалтын үндсэн хөтөлбөрийн элсэгч бол өмнөх боловсролын зэргийн дипломын хуулбар;
    7. Багш мэргэжлийн сонгон бүлгийг төгсөж, тухайн мэргэжлийн чиглэлээр элсэн суралцагч нь багш мэргэжлийн сонгон бүлэгт амжилттай суралцсаныг гэрчлэх батламжийн хуулбар;
    8. Магистрын сургалтын үндсэн хөтөлбөрөөр суралцагч нь ажилласан жилийг тодорхойлох ажлын газрын тодорхойлолт,
    9. Нийгмийн даатгалын шимтгэл төлөлтийн талаарх тодорхойлолт;
    10. Багш мэргэжлээр дадлагажигч нь суралцсан хугацааны голч дүнгийн хуудас, дадлагын удирдамж,
    11. Дадлагажигчаар ажиллах сургуулийн захиалга, сургуулийн тодорхойлолт;
    12. Суралцагчийн эцэг, эхийн ажилласан жилийг тодорхойлох байгууллагын тодорхойлолт

Монгол Улсын Засгийн газрын 102 дугаар тогтоол

Эх сурвалж: ТӨРӨӨС ОЛГОХ САНХҮҮГИЙН ДЭМЖЛЭГ, ТЭТГЭЛГИЙН ТАЛААР АВАХ ЗАРИМ ХЭМЖЭЭНИЙ ТУХАЙ (legalinfo.mn)

СУРГАЛТЫН ТӨЛБӨРИЙН ХӨНГӨЛӨЛТӨӨР СУРАЛЦАГЧ

Хөдөө орон нутагт үйл ажиллагаа явуулж байгаа төрийн өмчийн сургалтын байгууллагын дэд бакалавр, бакалавр, магистр, докторын үндсэн хөтөлбөрөөр суралцахад сургалтын төлбөрийн хөнгөлөлт үзүүлнэ.

Тавигдах шаардлага:

  • Монгол Улсын иргэн байх;
  • Элсэн суралцагч нь элсэлтийн шаардлага хангаж, дэд бакалавр, бакалаврын үндсэн хөтөлбөрт элссэн байх, үргэлжлүүлэн суралцагч нь өмнөх улирлын голч дүн 2.8-аас доошгүй байх;
  • Суралцагч нь Нийгмийн халамжийн тухай хуулийн 3.1.2-т заасан нийгмийн халамжийн дэмжлэг, туслалцаа зайлшгүй шаардлагатай өрхийн гишүүн байх.

  • Нийгмийн халамжийн дэмжлэг, туслалцаа зайлшгүй шаардлагатай өрхийн гишүүн-гэж:

    Үндэсний статистикийн хороо, нийгмийн халамжийн асуудал эрхэлсэн төрийн захиргааны төв байгууллага хамтран баталсан аргачлалын дагуу өрхийн мэдээллийн нэгдсэн санд орсон, амьжиргааны түвшин нь тухайн үеийн ядуурлын шугамаас доогуур өрхөөс сонгогдсон өрхийн гишүүн хамрагдана.

    Хөтөлбөрийн нэр

    Боловсролын    зэрэг

      Голч дүн

    Олгох хэмжээ (төг)

    Хөдөө орон нутагт үйл ажиллагаа явуулж байгаа төрийн өмчийн сургалтын байгууллагын суралцагч

    Дэд бакалавр, бакалавр, магистр, доктор

    2.8-аас доошгүй

    сургалтын төлбөрийн 50 хувьтай тэнцэх хэмжээний хөнгөлөлт үзүүлнэ.

                                                  Сургалтын төлбөрийн 50 хувьтай тэнцэх хэмжээний хөнгөлөлт үзүүлнэ.

    Бүрдүүлэх материал:

    Дотоодын сургалтын байгууллагын суралцагч нь дараах материалыг бүрдүүлж, сургуульдаа өгнө.

  • Иргэний үнэмлэх

  • Өргөдөл (баталсан маягтын дагуу); /ТАТАХ…/

  • Элсэлтийн шалгалтын батламж,

  • Техникийн боловсролын сургалтын байгууллагын төгсөгч нь диплом,

  • Магистр, докторын үндсэн хөтөлбөрт элсэн суралцагч нь өмнөх боловсролын зэргийн диплом,үргэлжлүүлэн суралцагч нь  өмнөх улирлын голч дүнгийн тодорхойлолт;

  • Тухайн улиралд судлах хичээлийг баталгаажуулсан сургалтын байгууллагын тодорхойлолт;

  • Нийгмийн халамжийн дэмжлэг, туслалцаа зайлшгүй шаардлагатай өрхийн гишүүн-иргэний тодорхойлолт /мэдээллийн сан бүртгэлтэй/